Hljómsveitakeppnin Músíktilraunir hefst í kvöld í Íslensku óperunni, en keppnin er nú haldin í 28. skipti. Fyrsta keppnin var haldin í Tónabæ 1982, en hún hefur gengið í gegnum ýmsar breytingar á langri ævi og er nú haldin af Hinu húsinu.

Líkt og á síðasta ári verður fjögur kvöld í röð, mánudag, þriðjudag, miðvikudag og fimmtudag, og úrslitakvöldið verður svo rúmri viku seinna, laugardaginn 27. mars.

Undankeppnin verður í Íslensku óperunni, sem reynt var í fyrsta sinn á síðasta ári og gafst vel, en úrslitin í Listasafni Reykjavíkur – Hafnarhúsinu. Sem endranær verður þeim einnig útvarpað beint á Rás 2.

Sjá nánar ítarlega umfjöllun um þetta mál í Morgunblaðinu í dag.