Gondry og Björk ku nú vera að smíða verkefni sem er miklu stærra í sniðum en hefðbundið tónlistarmyndskeið.

Söngkonan Björk og franski leikstjórinn Michel Gondry vinna nú að verkefni sem er mun umfangsmeira en hefðbundið tónlistarmyndskeið. Gondry hefur lýst verkefninu sem „mjög metnaðarfullu, eins konar vísindasöngleikur...  kannski meira fyrir söfn. Eins og 40 mínútna IMAX í þrívídd.“

Fréttavefurinn Hitfix greinir frá þessu nýjasta verkefni þeirra Bjarkar og Gondry.  Þar kemur fram að þau hafi áður unnið saman við gerð tónlistarmyndbanda á borð við „Human Behaviour“ og „Declare Independence“.

Einnig kemur fram í fréttinni að Björk sé sem endarnær með ýmis járn í eldinum. Þar á meðal er hljómsveitarverk. Ekki er ljóst hvort það tengist verkefninu sem þau Gondry eru nú með í smíðum.