Hin ráma Marge Simpson, úr teiknimyndaþáttunum The Simpsons, hefur verið valin uppáhaldssjónvarpsmamman í Bretlandi. Breskir sjónvarpsáhorfendur kunna að meta góðmennsku hennar og dást að þolinmæðinni gagnvart Homer og heimskupörum hans.

Frú Simpson vann Pamelu Shipman úr Gavin And Stacey og Susan Harper úr My Family sem urðu í öðru og þriðja sæti. Linda Bellingham lenti í fjórða sæti sem móðirin úr Oxo-auglýsingunum á meðan Ma Larkin úr Darling Buds Of May varð fimmta. Hin keðjureykjandi Barbara Royle úr The Royle Family varð sjötta.

Sjá nánari umfjöllun um þetta mál í Morgunblaðinu í dag.