Dannii Minogue Reuters

Ástralska söng- og leikkonan Dannii Minogue segist hafa gjörsamlega misst tökin á löngun í óhollan mat á meðgöngunni. Er það einkum þjóðarréttur Breta, fiskur og franskar, sem á hug hennar allan þessa daga og karamellubúðingur. Minogue, sem er litla systir Kylie, á von á sínu fyrsta barni með breska ruðningsleikmanninum Kris Smith.

Dannii Minogue  er meðal annars dómari í þáttum Simon Cowell’s The X Factor, en hún hefur flakkað milli Englands og Ástralíu undanfarin tuttugu ár.  Hún er með tvöfalt ríkisfang þar sem móðir hennar er frá Wales. Hún segir að það sem henni líki best við Bretland sé almenningssamgöngukerfið.