Tíu risapöndur í borginni Shangai í Kína hafa nú verið settar í fitun fyrir heimsýninguna sem fyrirhugað er að  halda í borginni í maí. Mataræðið er vandlega samansett af bambus og grænmeti og kílóin eru byrjuð að hlaðast upp á dýrin.

Um er að ræða sex kvendýr og fjögur karldýr og hefur hver panda bætt á sig um sex til sjö kílóum. Sú þyngsta þeirra vegur nú um 62 kíló. 

Risapanda sem er í útrýmingarhættu finnst aðeins í Kína en náð var sérstaklega í dýrin af verndarsvæði í Sichuan héraði í janúar, fyrir sýninguna.