Katla Kjartansdóttir. Eyþór 001

Katla Kjartansdóttir þjóðfræðingur og verkefnastjóri hjá Þjóðfræðistofu flytur erindið Vandræðalegir víkingar í dag kl. 12.05 í fyrirlestrasal Þjóðminjasafns Íslands.

Í erindinu mun hún velta fyrir sér hugtökunum „útrás“ og „útrásarvíkingar“ sem fjölmiðlar og fleiri tóku upp á sína arma, en að mati Kötlu má greina í þeirri orðræðu vinsæla (en stundum vandræðalega) samfléttun þjóðararfs og viðskipta.

Í fyrirlestrinum mun hún einnig leitast við að varpa ljósi á hvernig hin óljósa merking hugtakanna hefur verið nýtt með margvíslegum hætti í gegnum tíðina.