Kevin Costner Reuters

Bandaríski leikarinn Kevin Costner er að verða faðir í sjöunda skiptið. Eiga hann og eiginkona hans Christine Baumgartner von á barni í júní en það er þriðja barn þeirra saman. Þau keyptu sér nýverið hús í Berlín en eiginkona hans er þýsk.

Costner greinir frá þessu í viðtali við þýska blaðið Bunte. Baumgartner, sem er hönnuður og fyrirsæta, og Costner eiga fyrir tvo syni:  Cayden Wyatt sem er tveggja ára og  Hayes Logan sem er eins árs.

Costner átti fyrir þrjú börn með fyrrum eiginkonu sinni, Cindy Silva, en þau skildu eftir sextán ára hjónaband árið 1994. Árið 1996 eignaðist hann soninn Liam með  Bridget Rooney.