Tyson keppir í „fjaðurvigt"
Bandaríski hnefaleikarinn Mike Tyson, sem var um tíma heimsmeistari í þungavigt, hefur skipt yfir í „fjaðurvigt" en hann mun taka þátt í bréfdúfukeppni í sjónvarpsþáttum á Animal Planet.
Sjónvarpsstöðin boðaði í vikunni nýjan raunveruleikasjónvarpsþátt þar sem Tyson, sem er nýliði í bréfdúfnarækt, mun etja kappi við reynslubolta í greininni.
Vinnuheiti á þættinum er: Taking on Tyson og er áhorfendum lofað að þeir fái innsýn í þennan kappsfulla en einkennilega heillandi heim bréfdúfuræktar.
Tyson hefur alið dúfur alla sína ævi en ekki tekið þátt í bréfdúfukeppnum fyrr. Animal Kingdom segir, að Tyson muni njóta aðstoðar litríks hóps dúfusérfræðinga á meðan hann ræktar og þjálfar dúfurnar og lætur þær keppa.
Gert er ráð fyrir því að þátturinn verði tekinn upp í vor í New York og sýndur í byrjun næsta árs.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!









