P. Diddy Reuters

Bandaríski rapparinn P. Diddy er að velta fyrir sér hvort hann eigi að kaupa enskt knattspyrnulið. Er það einkum Lundúnaliðið Crystal Palace sem heillar rapparann sem er milljarðamæringur.

Crystal Palace rambar á barmi gjaldþrots. Heimildir The Sun herma að Diddy hafi verið í Lundúnum nýverið og hitt þar að máli menn sem sjá um kaup og sölur á knattspyrnuliðum. Fjármögnunin sé í höfn en rapparinn hafi hins vegar ekki ákveðið sig endanlega hvaða félag verður fyrir valinu.