Listaverk sem voru í eigu Daniel Carasso, sem lést í fyrra 103 ára að aldri, verða boðin upp í París á morgun. Meðal annars verða verk eftir Monet, Miro og Renoir boðin upp en talið er að verkin fari á um eina milljón evra.

Daniel Carasso var sonur Isaac Carasso, sem stofnaði mjólkurvörufyrirtækið Danone á Spáni. Isaac nefndi fyrirtækið eftir syni sínum Daniel en sonurinn tók síðar við fyrirtækinu og byggði upp stórveldi í mjólkuriðnaði. Enda fáir Evrópubúar og Bandaríkjamenn sem kannast ekki við Danone jógúrt.