Jennifer Aniston leitar að hinum eina rétta Reuters

Leikkonan Jennifer Aniston segir í viðtali við breska blaðið Daily Mail að hana dreymi um að stofna fjölskyldu með frábærum manni og að hennar helsta takmark í lífinu þessa stundina sé að eignast barn. 

Aniston, sem er 41 árs, hefur verið orðuð við breska leikarann Gerard Butler að undanförnu en þau leika saman í myndinni Bounty Hunter. Hún hafnaði þeim orðrómi nýverið.

Aniston segir að meðal ástæða fyrir því að sambönd ganga ekki alltaf upp sé að væntingarnar séu of miklar.