Kirstie Alley Reuters

Leikkonan Kirstie Alley segist ekki sakna kynlífsins, en hún er ólofuð um þessar mundir, ef marka má orð hennar í þætti Larry King í gærkvöldi. Tilkynnti hún King það í þættinum að hún gæti ekki farið í rúmið með einhverjum nema hún elskaði viðkomandi.

Þrátt fyrir að Alley geri lítið af því að stunda kynlíf þessa dagana þá segir hún að Jamie Foxx yrði ekki hafnað ef hann hefði áhuga.

Sagði King í þættinum: „Ertu að segja að ef Jamie Foxx myndi banka á dyrnar hjá þér þá myndir þú eiga ástarævintýri með honum nánast strax."

Alley var ekkert að tvínóna við hlutina og svaraði að bragði: „Ef ekki strax".

Leikkonan hefur tvívegis verið gift, Bob Alley 1974-1977 og Parker Stevenson 1983-1997. Þau eiga tvö ættleidd börn saman.