Joslyn James, fyrrum klámmyndaleikkona sem heitir réttu nafni Veronica Siwik-Daniels, segist hafa verið hjákona kylfingsins Tiger Woods og setti á netið í gær smáskilaboð (sms) sem hún segir Woods hafa sent sér á meðan á sambandi þeirra stóð. Ef sú er raunin virðist Woods hafa hneigst til ofbeldisfullra kynlífsathafna og beitt konur þvingunum við slíkar athafnir.

James segir í samtali við vef The Daily News að Woods hafi haft heldur óhefðbundnar þarfir og verið ofbeldishneigður á köflum. Spurð að því hvort Woods hafi meitt hana einhvern tíma svarar James því til að hún vilji ekki ræða það.

James segist vilja að Woods segi allan sannleikann í málinu og finnst afsökunarbeiðni hans á blaðamannafundi sem hann hélt um daginn greinilega ekki fullnægjandi.

Meðal þess sem Woods á að hafa sent James í smáskilaboðum eru óskir um þríleik með henni og annarri konu sem hún treysti. Þá hafi hann einnig sagst vilja fara harkalega með hana, rassskella hana, tuska til og grípa kverkataki.