Warren Buffett í rokkmyndbandi
Warren Buffet í myndbandinu á YouTube.
Bandaríski kaupsýslumaðurinn Warren Buffett, þriðji ríkasti maður heims, bregður stundum á leik ef svo ber undir. Nú fer myndskeið þar sem Buffett sést í hlutverki rokksöngvara sigurför um netið.
Starfsmenn tryggingafélagsins Geico, sem er í eigu fjárfestingarfélags Buffets, hafa sett saman tónlistarmyndskeið þar sem þau syngja lag um bílatryggingar. Lukkudýr fyrirtækisins, eðla, leikur hlutverk gítarleikarans Slash í sveitinni Guns N' Roses en Buffett, sem er 79 ára, stelur senunni í hlutverki söngvarans Axl Rose, með hárkollu, ennisband, húðflúr og í skotapilsi.
Á fréttavef tímaritsins Time er haft eftir Phil Ovuka, talsmanni Geico, að starfsmennirnir hafi ekki reiknað með að Buffett myndi taka þátt í þessu gamni en hann var til í slaginn.
Starfsmenn Geico hafa oft áður sett saman myndskeið fyrir árshátíð fyrirtækisins og Buffett hefur verið með undanfarin fjögur ár, meðal annars í hlutverki plötusnúðs.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
