Pete Doherty hefur ítrekað lent í vandræðum vegna fíkniefnamála. Reuters

Í ljós hefur komið að enski tónlistarmaðurinn Pete Doherty var einn fjögurra manna, sem handtekinn var í síðustu viku eftir að 27 ára gömul kona fannst látin í íbúð í Lundúnum í janúar. Grunur leikur á að Doherty hafi útvegað konunni fíkniefni. 

Robin Whitehead, sem fannst látin 24. janúar var að gera heimildarmynd um Doherty og hljómsveit hans, Babyshambles. Að sögn breska útvarpsins BBC fundust fíkniefni og munir tengdir fíkniefnaneyslu í íbúð hennar.  

Robin var dótturdóttir Teddy Goldsmith, stofnanda tímaritsins The Ecologist.