Sarah Palin. Reuters

Líkur eru taldir á að Sarah Palin, sem var varaforsetaefni repúblikana í bandarísku forsetakosningunum árið 2008, fái að stýra eigin raunveruleikasjónvarpsþætti í bandarísku sjónvarpi.  

Reutersfréttastofan segir, að A&E Networks og Discovery Communications vilji kaupa sýningarréttinn á þættinum, sem á að fjalla um ferðir Palin um Alaska.  Mark Burnett verður framleiðandi þáttanna.

Reuters segir, að Palin fari fram á að fá 1-1,5 milljónir dala fyrir hvern þátt, sem þykir heldur í hærra lagi. Hún reyndi fyrst að selja stóru sjónvarpsstöðvunum í Bandaríkjunum hugmyndina.