Veröld/Fólk | mbl | 9.4.2010 | 21:10 | Uppfært 23:02

Afþakkaði gjafabréf Iceland Express

Vilhjálmur Bjarnason

Lið Garðbæinga bar sigur úr býtum í Útsvari í Sjónvarpinu í kvöld, spurningakeppni sveitarfélaganna. Garðbæingar lögðu Reykvíkinga með 93 stigum gegn 41 í úrslitaþættinum.

Í sigurliði Garðbæinga voru Vilhjálmur Bjarnason lektor, Ólöf Ýrr Atladóttir ferðamálastjóri og Elías Karl Guðmundsson nemi, sem var á dögunum í sigurliði MR í Gettu betur. Því tvöfaldur sigur hjá honum í spurningakeppnum Sjónvarpsins í vetur.

Lið Reykjavíkur skipuðu þau Stefán Eiríksson lögreglustjóri, Jón Ingvi Jóhannsson bókmenntafræðingur og Svanhildur Hólm Valsdóttir, framkvæmdastjóri þingflokks Sjálfstæðisflokksins.

Reykvíkingar leiddu keppnina í upphafi en segja má að úrslitin hafi ráðist í látbragðsleiknum þar sem Elías Karl og félagar fóru á kostum og náðu öruggri forystu fyrir Garðabæ. Reykvíkingar náðu sér ekki á strik eftir það, á meðan Garðbæingar röðuðu inn stigum í lokahluta keppninnar.

Vilhjálmur afþakkaði gjafabréf Iceland Express

Athygli vakti að við verðlaunaafhendinguna neitaði Vilhjálmur Bjarnason að taka við gjafabréfi upp á 50 þúsund krónur frá Iceland Express, sem hefur verið í eigu Pálma Haraldssonar í Fons.

„Ég tek ekki við gjafabréfi frá Iceland Express," sagði Vilhjálmur við Þóru Arnórsdóttur, sem var spyrill í þáttunum ásamt Sigmari Guðmundssyni. Ólafur G. Guðnason spurningahöfundur hafði áður afhent Garðbæingum verðlaunagrip keppninnar.

Lið Garðbæinga í Útsvari. mynd/ruv.is

Lið Reykvíkinga í Útsvari.

Elías Karl Guðmundsson sigraði bæði í Útsvari og Gettu betur. Kristinn Ingvarsson

Fleira áhugavert

Katrín: Jóhönnustjórnin talaði máli Íslands

Mest spennandi kosningar í áratugi

Áverkar bentu til manndráps

Moses Hightower og Prins Póló gefa út eyjalag

Félagsstarf »

Stjörnuspá »

Hrútur

Nú gengur það ekki lengur að þú skjótir á frest að laga það sem aflaga hefur farið heima fyrir. Notaðu tækifærið og hrintu einhverju sem þú hefur á prjónunum fyrir sjálfan þig í framkvæmd.

síðasta vika