Hafði ekki lyst á gjafabréfinu
Setja bókamerki
„Ég hef ekki lyst á því að taka við gjafabréfi frá Iceland Express sem hluthafi í Glitni,“ segir Vilhjálmur Bjarnason lektor í Morgunblaðinu í dag, spurður um ástæðu þess að hann hafnaði gjafabréfinu sem sigurlaun í úrslitaþætti Útsvars, spurningakeppni sveitarfélaganna, í Sjónvarpinu í gærkvöldi.
Pálmi Haraldsson í Fons er aðaleigandi Iceland Express en Glitnir er stærsti kröfuhafinn á þrotabú Fons.
,„Ætli þau fái sér ekki kampavín og ég kannski skála í sódavatni því ég er keyrandi, en auðvitað fögnum við þessu,“ sagði Vilhjálmur að keppni lokinni í gærkvöldi. Hann sagðist aldrei áður hafa unnið almennilega keppni áður, ekki svo hann mundi, en með honum í liði Garðbæinga, er báru sigurorð af Reykvíkingum, voru Ólöf Ýrr Atladóttir ferðamálastjóri og Elías Karl Guðmundsson, nemi í MR, en fyrir stuttu var hann í sigurliði skólans í Gettu betur, spurningakeppni framhaldsskólanna.
Nánar í Morgunblaðinu í dag.
Tveir í bílnum sem lenti utan vegar
Skar höfuðleðrið af íslenskri konu
„Það þarf að vinna mikinn fjölda upp“
Verðbólgan komin niður í 6%
Æskuvinur Íslendings myrtur í Noregi
Tóku upp hanskann fyrir leikskólabörn