Úr Kringlunni. mbl.is/Eggert

Alls hafa 22 nýjar íslenskar stuttmyndir verið valdar á Stuttmyndadaga í Reykjavík, sem fram fer í Kringlubíói þann 31. maí. Tæplega 40 myndir bárust að þessu sinni og valdi dómnefndin þessar úr.
 
Veitt verða þrenn verðlaun fyrir bestu myndirnar, 100.000 kr. fyrir fyrsta sætið, 75.000 kr. fyrir annað sætið og 50.000 kr. fyrir þriðja sætið. Þá verða veitt áhorfendaverðlaun og auk þess mun Sjónvarpið sýna þær myndir sem hljóta áðurnefnd verðlaun. Þá verður leikstjóra þeirrar myndar sem hlýtur fyrsta sætið, boðið á Kvikmyndahátíðina í Cannes að ári þar sem myndin tekur þátt í hinu svokallaða Short Film Corner.
 
Dagskráin í Kringlubíói hefst kl. 19 og stendur í rúmlega þrjár klukkustundir. Allir eru velkomnir og kostar ekkert inn.
 
Myndirnar eru:

A bad day, eftir Hlín Davíðsdóttir
Afterimage, eftir Ragnar Snorrason
Áttu vatn? eftir Harald Sigurjónsson
Blablabla, eftir Anni Ólafsdóttir
Bronz, eftir Ragnar Snorrason
Bumps In The Night, eftir Erling Óttar Thoroddsen
Children of Eve, eftir Sigríði Soffíu Níelsdóttur
Dinner is Served, eftir Gunnur von Matern
Eater Of The Sun, eftir Sindra Gretarsson
Ég elska þig, eftir Sævar Sigurðsson
Ferðafélagi, eftir Arnar Sigurðsson
Gaza, eftir Hjálmtýr Heiðdal
Glugginn, eftir Hrafn Hrólfsson
Hafið þennan dag, eftir Hilmi Berg Ragnarsson
Kötturinn Njáll, eftir Grím Örn Þórðarson
Lóla, eftir Áslaugu Einarsdóttur
Ofurkrúttið, eftir Jónatan Arnar Örlygsson og Grím Björn Grímsson
Psssst, eftir Höllu Kristínu Einarsdóttur
Spacebaby, eftir Jón Már Gunnarsson
Sykurmoli, eftir Söru Gunnarsdóttur
Veran, eftir Snorra Fairweather
Þyngdarafl, eftir Loga Hilmarsson.