Æfing í Ósló gekk vel
Setja bókamerki
Æfing fyrir fyrra undanúrslitakvöld Eurovision söngvakeppninnar í Ósló fór fram í dag með þátttöku allra þjóðanna 17, sem þá koma fram. Hera Björk Þórhallsdóttir og félagar hennar stigu síðust á svið eins og í undanúrslitunum á morgun og segja sérfræðingar vefjarins esctoday.com, að íslenska lagið ætti að eiga góða möguleika á að komast í úrslitin. Lesendur vefjarins spá íslenska laginu í úrslit.
Að sögn esctoday.com hefur flutningur íslenska hópsins ekkert breyst frá því á fyrstu æfingunni en kjóll Heru Bjarkar hefur tekið breytingum. Hún klæðist síðum rauðum kjól með blómaksreytingu á öxlinni.
„Gallalaus söngur, áhrifamikill dans, kröfug myndataka og lífleg sviðsetning ætti að tryggja að Hera Björk á góða möguleika á að hreppa sæti í úrslitunum," segir vefurinn.
Lesendur esctoday.com eru sammála því í árlegri könnun, sem vefurinn stendur fyrir, meðal lesenda sinna, virðast flestir telja að Ísland, Belgía, Grikkland og Slóvakía eigi mesta möguleika á að komast í úrslit af löndunum sem keppa fyrra undanúrsltakvöldið.
Alls hafa 55 þúsund greitt atkvæði í könnuninni en hægt er að greiða atkvæði í sólarhring í viðbót.
Íslendingar ein mest einmana þjóð heims
Baldur: „Ég ætla að svara þessu kalli“
Moses Hightower og Prins Póló gefa út eyjalag
„Mér finnst Halla Hrund svona Vigdísarleg“
Fiskikóngurinn: „Mér fannst sárt að heyra það“
Katrín: Jóhönnustjórnin talaði máli Íslands
Áköf mótmæli í bandarískum háskólum