Dadi Gulzar.

Tvær heimsþekktar konur á sviði hugleiðslu og andlegrar íhugunar koma fram í Salnum í Kópavogi annað kvöld. Áhugafólk um andlega iðkun er eindregið hvatt til að hlýða á boðskap kvennanna. Tilefnið er að í sumar eru 10 ár liðin síðan starfsemi hugleiðsluskólans Lótushúss hófst í Kópavogi. 

Fram kemur í tilkynningu frá skólanum að í tilefni þessa verði þær Dadi Gulzar og Jayanti Kirpalani heiðursgestir, en þær eru sagðar á meðal áhrifaríkustu andlegu leiðtoga heimsins í dag.

Hefst fyrirlestur þeirra í Salnum kl. 19:30 annað kvöld, þriðjudag.

Býr yfir mikilli visku

Fyrirlesurunum er lýst á þennan veg í tilkynningu skólans:

„Dadi Gulzar er fædd á Indlandi og einn af megin leiðtogum Brahma Kumaris World Spiritual University. Hún er á níræðisaldri og hefur ástundað hugleiðslu frá 8 ára aldri. Hún býr yfir mikilli visku og lætur djúpur innri friður hennar engan ósnortinn.

Jayanti Kirpalani er boðberi nýrra tíma og eftirsóttur fyrirlesari um allan heim. Hún varpar skýru ljósi á atburðarás og málefni líðandi stundar og hefur unnið óþreytandi starf við að stuðla að jákvæðri vitundarvakningu í heiminum.“

Nánar má fræðast um skólann hér.