Vuvuzela lúðrarnir hafa sett mikinn svip á heimsmeistaramótið í knattspyrnu í Suður-Afríku. Um 100 hollenskir knattspyrnuunnendur reyndu í gær að setja hávaðamet með slíkum lúðrum og yfirgnæfa þotuhreyfil en mistókst það naumlega.

Um 100 manns komu saman í hollenska bænum Schiedam í gær til að hita upp fyrir úrslitaleik HM milli Hollendinga og Spánverja. Þeir reyndu jafnframt að bæta vuvuzela hávaðametið, sem íbúar í annarri hollenskri borg settu.

Til þess þurftu þeir að framleiða álíka hávaða og þotuhreyfill en það var sama hvað þeir blésu, 25 desibil vantaði þar upp á.