Flekar brenndir í kvöld

 
Vegna veðurs var ákveðið að fresta listviðburðinum 22 brennandi flekar, sem átti að vera á menningarnótt úti á sjó við Sólfarið við Sæbraut. Kveikja átti í tuttugu og tveimur flekum rétt á eftir flugeldasýninguna og áttu þeir að brenna fram að miðnætti.

Listamennirnir Óskar Ericsson og Alisha Piercy, sem eru höfundar verksins, komust að þeirri niðurstöðum, í samráði við Slökkvilið höfuðborgarsvæðisins og Reykjavíkurborg að það væri of hættulegt að framkvæma gjörninginn út af veðrinu en hvasst var á laugardagskvöldið.

Þess í stað verður kveikt í flekunum í kvöld klukkan 22. Segjast listamennirnir í tilkynningu vonast til að sem flestir sjái sér fært að koma að Sólfarinu til þess að verða vitni að viðburðinum.

• 1 blogg um fréttina

Bloggað um fréttina

• Jón Snæbjörnsson: Ekki er nú öll "list" eins .....