Blásið í vuvuzela. Reuters

Átján ára gamall Simbabve-búi hefur verið dæmdur í 18 mánaða fangelsi, þar af 6 mánuði skilorðsbundna, fyrir að valda því að annar maður missti sjón á öðru auganu.

Ástæðan fyrir átökum, sem brutust út var deila um vuvuzela-lúður en slíkur lúðrar hlutu heimsfrægð á heimsmeistaramótinu í knattspyrnu í Suður-Afríku í sumar.

Pilturinn og tveir aðrir piltar réðust á mann á heimili hans í Simbabve eftir að maðurinn neitaði að láta af hendi vuvuzela-lúður, sem piltarnir fullyrtu að vinur þeirra ætti.

Pilturinn var sakfelldur fyrir líkamsárás og þjófnað og vinir hans tveir eiga einnig yfir höfði sér þjófnaðardóm. Maðurinn sem ráðist var á meiddist svo alvarlega á öðru auganu að það þurfti að fjarlægja.