Hjálmar S. Brynjólfsson

Að minnsta kosti 17 manns hafa látið lífið á síðustu 9 dögum við sveppatínslu í fjöllum og skógum á Ítalíu. Að sögn björgunarmanna má rekja slysin til þess, að sveppatínslufólkið fer ekki eftir öryggisreglum þegar það er að tína sveppi í myrkrinu.

Að sögn ítalska blaðsins Repubblica hafa flestir látið lífið þegar þeir hafa misst fótanna í bröttum fjallshlíðum og hrapað niður. Auk þeirra, sem látið hafa lífið hefur eins manns verið leitað í viku.  

Raki og hlýindi hafa valdið miklum sveppagróðri á Ítalíu nú síðsumars.