Slökkviliðsmenn björguðu um helgina 190 kílóa þungum karlmanni, sem hefur ekki komist út úr íbúð sinni í Mumbai í fjögur ár vegna offitu.

Maðurinn heitir Nazeer Ahmed Abdul Rehman og er 53 ára. Að sögn hans hefur hann fengið þvagsýrugigt og átt mjög erfitt með gang. Hann ætlar nú að gangast undir þarmastyttingu og vonar að honum takist að léttast.

„Þetta er mataræðinu að kenna, " segir Rehman. „Ég borðaði ruslfæði, fór seint að sofa og lifði óheilbrigðu lífi."