Portúgalski hönnuðurinn Felipe Oliveira Baptista, 35 ára, hefur verið ráðinn listrænn hönnuður hjá Lacoste. Tekur hann við starfinu strax en áður gegndi franski hönnuðurinn  Christophe Lemaire starfinu. 

Lemaire, sem hefur unnið fyrir Lacoste í tíu ár er að fara til Hermes sem listrænn hönnuður í kvenfatadeild. Tekur hann við því starfi af Jean-Paul Gaultier.

Baptista mun kynna fyrstu línu sína fyrir Lacoste sumarið 2012 en hann hefur undanfarið kynnt eigin framleiðslu auk þess sem hann hefur verið gestahönnuður hjá ýmsum frægum tískuhúsum. Er talið að fatnaður Lacoste verði kvenlegri á ný og að salan eigi eftir að aukast á mörkuðum eins og Kína og Brasilíu.