Hasarharðhausamyndin The Expendables, eða Hinir fórnanlegu, heillar enn landann og er tekjuhæsta kvikmyndin í íslenskum kvikmyndahúsum að liðinni helgi. Þeir sem kunna að meta stóra vöðva og mikið ofbeldi fá sitthvað fyrir sinn snúð í þeirri kvikmynd enda mikil naglasúpa.

Dansmyndin Step Up 3D vermir annað sætið, ný á lista, og í þriðja sæti er einnig ný mynd á lista, Scott Pilgrim vs The World með hinum geðþekka og drengslega Michael Cera í aðalhlutverki.