Gabor flutt á sjúkrahús
Zsa Zsa Gabor árið 1986. Hún fæddist í Ungverjalandi árið 1917 og gerðist fræg leikkona í Hollywood. AP
Leikkonan Zsa Zsa Gabor, sem orðin er 93 ára, var flutt í dag með hraði á bráðadeild. Þá hafði eiginmaður hennar komið að henni meðvitundarlausri á heimili þeirra og sýndi hún engin viðbrögð.
Leikkonan var lögð inn á sjúkrahús 17. júlí sl. eftir að hún hafði dottið og mjaðmarbrotnað. Hún gekkst undir skipti á mjaðmarlið en fékk ýmsa kvilla í kjölfarið. Þar á meðal var blóðtappi og þurfti hún að gangast undir annan uppskurð hans vegna.
Fyrir tveimur vikum óskaði hún eftir því að prestur veitti sér hinstu smurningu. Hún fór af spítalanum daginn eftir og fór aftur heim til sín í Bel Air.
Zsa Zsa Gabor er ungversk að ætt. Hún var mjög þekkt leikkona og fegurðardrottning fyrrum. Hún lék hlutverk í mörgum þekktum kvikmyndum, þar á meðal kvikmynd John Huston „Moulin Rouge“ árið 1952 og mynd Orson Welles „Touch of Evil“ árið 1958.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
