Breski ljósmyndarinn Corinne Day, sem er best þekkt fyrir myndir sem hún tók af Kate Moss er fyrirsætan hóf feril sinn, lést um helgina úr krabbameini. Day, sem var 48 ára, lést á heimili sínu, en baráttan við krabbameinið hafði staðið lengi yfir.

Myndir sem Day tók af Moss árið 1993 vöktu mikil viðbrögð enda þykja myndirnar ýta undir svokallað „heróínútlit".

Myndir Day hafa verið sýndar í National Portrait Gallery og Tate Modern. Auk þess sem hún tók reglulega myndir fyrir tískutímaritið Vouge, samkvæmt frétt BBC.