Leikarinn Michael Douglas hefur tjáð sig nýlega um þá baráttu sem hann stendur nú í við krabbamein. Í nýju viðtali við People segir hinn 65 ára óskarsverðlaunahafi að hann sé ákveðinn í að komast yfir veikindin. „Ég mun sigrast á þessu,“ segir Douglas og hefur ekki fleiri orð um það. Douglas þjáist af krabbameini í hálsi en hann er um þessar mundir í meðferð við meininu. Læknar eru bjartsýnir á að hann muni vinna bug á því.