Fimm ára hjónaband Demi Moore og Ashton Kutcher gæti verið í hættu eftir að orðrómur þess efnis fór af stað að Kutcher hefði haldið fram hjá Moore með ljósku á þrítugsaldri. Þetta má lesa hjá slúðurbloggaranum Perezhilton.

Vitni segja að þau hafi séð Kutcher kyssa og strjúka aðlaðandi stúlku nálægt salerni á ítölskum veitingastað í Los Angeles.

„Ashton hélt þessari fallegu stúlku upp við vegginn og var greinilega að kela við hana. Ég fékk áfall við að sjá hann kyssa stúlku sem var augljóslega ekki Demi,“ sagði eitt vitnanna.

Perezhilton segist hafa efasemdir um þennan orðróm enda sé mjög heimskulegt að halda fram hjá konunni sinni meðal almennings.