Catherine Zeta-Jones Reuters

Leikkonan Catherine Zeta-Jones er bálreið út í lækna eiginmanns hennar, Michaels Douglas, fyrir að þeir hafi ekki uppgötvað æxli í hálsi hans fyrr. Er þetta í fyrsta skipti sem hún tjáir sig um krabbamein hans.

Michael Douglas hefur tjáð sig nýlega um þá baráttu sem hann stendur nú í við krabbamein í hálsi. Í nýju viðtali við People segir hinn 65 ára óskarsverðlaunahafi að hann sé ákveðinn í að komast yfir veikindin. „Ég mun sigrast á þessu,“ segir Douglas og hefur ekki fleiri orð um það.

Fram kemur að fleiri en einn læknir hafi rannsakað Douglas áður en honum var loks sagt að hann væri með krabbamein sem væri komið á fjórða stig.

Zeta-Jones viðurkennir í viðtali við People að hún sé að reyna að fyrirgefa læknunum að hafa ekki greint særindi Douglas í hálsi rétt til að byrja með.