Ekki hrifnir af málverkum Dylans
Vefur danska Ríkislistasafnsins.
Málverk Bobs Dylans hefðu aldrei verið sýnd í Ríkislistasafninu ef þau hefðu ekki verið máluð af Bob Dylan. Þetta er umsögn danska blaðsins Berlingske Tidende um væntanlega sýningu á myndverkum Dylans í Kaupmannahöfn.
Sýning á um 48 verkum Dylans verður opnuð í Ríkislistasafninu í Kaupmannahöfn á morgun. Um er að ræða 40 akrílmyndir og átta teikningar úr svonefndri Brasilíuröð, sem Dylan vann sérstaklega fyrir listasafnið, en Dylan, sem er 68 ára, hefur í vaxandi mæli snúið sér að málaralist á undanförnum árum.
Berlingske segir, að í tónlist sé Bob Dylan einn af meisturum 20. aldarinnar. Öðru gegni um málverk hans og Ríkislistasafnið hafi ekki tekið þau til sýningar vegna þess að þau séu svo góð, heldur vegna þess að Dylan er höfundurinn.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
