Nicolas Sarkozy Reuters

Forseti Frakklands, Nicolas Sarkozy er nýjasta fórnarlamb prakkara á netinu. Ef slegið er inn „trou du cul" eða rassgat, á Google leitinni þá kemur upp Facebooksíða forsetans. En hann er ekki sá eini sem hefur orðið fyrir barðinu á prökkurum sem leika sér að Google leitarvélinni.

Áður hafði opinber vefur Tony Blair, fyrrverandi forsætisráðherra, lent í svipuðu. Ef slegin var inn leitin „liar" (lygari)  þá er vísað á vef Blair.

 George W. Bush, fyrrum forseti Bandaríkjanna, hefur heldur ekki sloppið undan áreiti hrekkjalóma. Ef slegið er inn „miserable failure" þá gefur Google upp síðu Bush. Tæknin sem notuð er við þessi prakkarastrik nefnist „Google bombing".

Svo er ekki úr lagi að reyna að slá inn „French military victories" (Hernaðarsigrar Frakka) þá kemur upp svarið: Google getur ekki fundið neina slíka. Áttur þú við ósigra Frakka.

Facebooksíða Sarkozy kemur upp ef leitað er að trou du cul á Google