Cheryl Cole Reuters

Söngkonan Cheryl Cole segir í viðtali við Vogue tímaritið að hún sé niðurbrotin eftir skilnað við eiginmanninn Ashley Cole. Hún segir að sér líði eins og hún hafi verið svikin þegar upp komst um hjúskaparbrot kauða.

Hún segist vera ákveðin í því að læra af reynslunni og hún þakki fyrir að hafa ekki eignast barn með knattspyrnumanninum. Barn sem hefði skaðast af því hversu lausgirtur Cole væri. En nú sé þessum kafla í lífi hennar lokið.

Cheryl Cole viðurkennir hins vegar að hana langi til þess að eignast barn. Hún sé 27 ára og reiðubúin til þess að verða móðir. Hún sé ekki stúlka lengur heldur kona.