Rooney á ekki sjö dagana sæla þessi dægrin. Reuters

Eftir því sem kynlífshneyksli Wayne Rooney, framherja Manchester United, vindur upp á sig berast stöðugt ítarlegri upplýsingar um næturlíf leikmanna liðsins. Blaðakona Daily Mirror fullyrðir að um 100 stúlkum hafi verið boðið á jólaskemmtun með liðinu 2007 er hún hafi hafnað boði Rooney um kynmök.

Meðal leikmanna sem skemmtu sér í góðu yfirlæti í umræddu teiti jólin 2007 í félagsskap fagurra fljóða voru Rooney, Rio Ferdinand, Ryan Giggs, Owen Hargreaves, Gary Neville, Paul Scholes, Carlos Tevez, Edwin Van der Sar, Louis Saha, Nani, Anderson, Wes Brown og Chris Eagles.

Stúlkan, Sarah Tetteh, skrifar fréttir af fræga fólkinu í Daily Mirror en hún segir Rooney hafa farið á fjörurnar við sig í boðinu.

Hann hafi brugðið á leik og leikið popparann Justin Timberlake með þeim orðum að hún gæti í staðinn þóst vera poppsöngkonan Beyonce.

Fullyrðir Sara að Rooney hafi gefið sér þau fyrirmæli að bíða sín á salerni á skemmtistaðnum, boð sem hún hafnað.