Leikið á líkamsskannann
AFP
Bandarískt fyrirtæki hefur fundið upp límmiða úr gúmmíi, sem hægt er að setja á hernaðarlega mikilvæga staði á líkamanum og koma þannig í veg fyrir að starfsmenn flugvallar, sem stjórna líkamsskönnum, geti séð alla leið í gegnum fötin.
Tækið sér í gegnum klæðnað fólks sýnir hvort það sé með eitthvað innanklæða, t.d. vopn eða sprengiefni. Hafa skannar af þessi tagi þegar verið settir upp á mörgum flugvöllum.
Fyrirtækið Flying Pasties, eða Fluglummurnar, hefur nú framleitt límmiða úr gúmmíi, sem hægt er að líma á brjóst og nára. Fyrirtækið segir að hægt sé að nota leppana oft og þeir hylji það sem þurfi að hylja.
Hægt er að kaupa fluglummurnar á netinu og þeir kosta um 1500 krónur settið fyrir konur og 1000 krónur fyrir karla.
