Maggie Cheung.

Kínverska leikkonan Maggie Cheung sagði blaðamönnum á kvikmyndahátíðinni í Feneyjum að hún ætlaði að taka sér hlé frá kvikmyndaleik þar til hún væri orðin eldri, en hún er 45 ára.

Ástæðan er sú að kvikmyndageirinn er afar upptekinn af æskufegurð og Cheung segist ekki vilja mæta slíkum útlitskröfum lengur. Hún leikur í kvikmynd Isaacs Juliens, Better Life, sem sýnd er á hátíðinni. Cheung ætlar að snúa sér að tónlist.