Lundúnahljómsveitin xx fékk í kvöld bresku Mercury tónlistarverðlaunin fyrir fyrstu plötu sína, sem heitir einnig The xx. Meðal annarra, sem þóttu líklegir til að hljóta verðlaunin, voru Paul Weller, Mumford & Sons og Dizzee Rascal.

Að sögn Sky sjónvarpsstöðvarinnar voru dómarar verðlaunanna hrifnir af nautnafullri tónlist The xx og sögðu að seiðandi taktur og hásar raddir kölluðu fram frábæra stemmningu.