Oshine ætlar aldeilis að leggja af.

Órangútan í yfirvigt breytir um lífsstíl þar sem hann er orðinn feitasti prímati Bretlands. Oshine fær nú ekkert sælgæti, engar kökur og nóg af hreyfingu. Hinn íturvaxni órangútan vegur um 100 kg sem er ríflega tvisvar sinnum meira en kjörþyngd hennar dýrategundar.

Umsjónarmenn Oshine í garðinum Apaveröld í Dorset segjast nú þurfa að breyta mataræði hennar til að losa hana við bumbuna. Þeir hyggjast ná árangri með því að láta hana borða grænmeti og ávexti eins og aðrir prímatar eiga að venjast.

Oshine var höfð sem gæludýr í Suður-Afríku fyrstu 13 ár ævi sinnar og fitnaði hún þá óhóflega. Starfsmenn Apaveraldar telja það einkum vera vegna mataræðis en einnig álags sem gæludýr þurfa að þola.

Þann 31.ágúst síðastliðinn var henni komið fyrir á Apaveröld og hefur teymið sem sér um Oshine þar reynt að breyta mataræði órangútansins ásamt því að gera umhverfi hennar afslappaðra og minna stressandi.