Makeda Jahnesta Marley sem er yngsta dóttir reggígoðsins Bob Marley hefur játað að rækta marijúana á heimili sínu í Philadelphia í Bandaríkjunum.

Hin 29 ára gamla Makeda játaði sig seka um að hafa rúmlega 10 marijúana plöntur á heimili sínu. Marley var fyrst handtekin árið 2008 eftir að lögregla kom að henni þar sem hún var að fjarlægja plöntur úr kjallara sínum vegna ábendingar frá nágranna.

Í febrúar síðastliðnum sagðist Makeda hafa þurft að drýgja tekjur sínar mikið í gegnum árin með hinum ýmsu ráðum þar sem hún hafi klárað sjóð sem faðir hennar lét eftir sig.