Jane Fonda er glæsileg kona.

Jane Fonda ætlar að segja frá öllum sínum lýtaaðgerðum og hvernig það er að eldast í nýrri bók.

Leikkonan og femínistinn segist ekki hafa neitt að fela varðandi ákvarðanir sínar í þessum málum en hún hefur ítrekað lagst undir hnífinn til að láta strekkja húð sína og fela einkenni öldrunar. Fyrst um sinn skammaðist hún sín mikið fyrir að hafa farið í lýtaaðgerðir en vonast nú til að geta miðlað reynslu sinni.

Fonda segir í viðtali við bandaríska fréttaþáttinn Entertainment Tonight að hún hafi nýverið farið í lýtaaðgerðir. „Ég verð að koma hreint fram. Ég er að skrifa bók um það að eldast og ég kemst ekki hjá því að nefna þær aðgerðir sem ég hef farið í til að breyta útliti mínu. Ég vildi ekki hafa poka undir augunum sem létu mig virðast þreytulega svo ég ákvað að láta taka þá,“ segir Fonda en vill þó þakka heilbrigðum lífsstíl og góðum genum fyrir útlit sitt fremur en lýtaaðgerðum.