Vilhjálmur Bretaprins og Kate Middleton. ap

Vefur breska götublaðsins Daily Mail heldur því fram að Vilhjálmur Bretaprins muni ganga að eiga unnustu sína Kate Middleton í ágúst á næsta ári.

Tímasetningin er býsna nákvæm í fréttinni, þ.e. önnur vika ágústmánaðar og því haldið fram að athöfnin muni fara fram í Westminster Abbey.

Þá eru einnig taldar nokkrar líkur á því að brúðkaupið verði haldið 31. ágúst, en þá verða liðin 14 ár frá því að móðir Vilhjálms, Díana prinsessa, lést í hörmulegu bílslysi í París.