Piers Morgan.

Bandaríska sjónvarpsstöðin CNN staðfesti í dag, að breski sjónvarpsmaðurinn Piers Morgan verði með spjall- og viðtalaþátt á besta útsendingartíma og taki þannig við Larry King, sem stýrt hefur slíkum þætti á CNN í aldarfjórðung. 

Morgan, sem er 45 ára, hefur m.a. verið  dómari í bandarísku sjónvarpsþáttunum Americ's Got Talent, og hefur einnig stýrt þáttum í bresku sjónvarpi. Þá var hann ritstjóri bresku götusölublaðanna News of the World og Daily Mirror um tíma. 

Larry King tilkynnti í sumar, að hann ætlaði að draga sig í hlé en hann hefur stýrt þættinum Larry King Live frá árinu 1985.