Wyclef Jean Reuter

Jean og Penn hafa eldað grátt silfur undanfarið, en deilur þeirra hófust er Penn sagði Jean ekki vera efni í forseta Haítí þar sem hann hefði ekki verið sjáanlegur á hjálparsvæðunum þar í landi. Í kjölfarið á þessum illyrðum söng Jean skilaboð til leikarans við lagið „President“ á fyrrnefndum tónleikum.

„Ég er með skilaboð til Seans Penns. Kannski sá hann mig ekki á Haítí þar sem hann var of upptekinn við að sjúga kókaín upp í nefið.“ Fyrir þetta uppskar Jean mikil hlátrasköll tónleikagesta.