Bresk börn að leik. Reuters

Tíu ára drengur hefur fengið aðvörun frá skólanum sínum í Oldham í Bretlandi fyrir kynþáttafordóma.

Hinn tíu ára Harrison Wiener fékk aðvörunina eftir að hafa kallað samnemanda sinn með eftirnafnið Brown „súkkulaðiköku“.

Wiener kallaði Brown súkkulaðiköku eftir að Brown gerði grín að eftirnafni Wieners. Brown kallaði Wiener „pylsudreng“.

Móðir Wieners fór með málið í fjölmiðla í Bretlandi, ævareið yfir viðbrögðum skólans.