Kate Middleton er af almúgaættum. Reuters

Meirihluti Breta telur að konunglega brúðkaupið sem fram fer 29. apríl muni styrkja stöðu konungdæmisins í Bretlandi. Margir telja hinsvegar að Kate Middleton muni líða fyrir snobb kóngafólksins og verði látin líða fyrir það að vera af almúgaættum.

Þetta sýnir ný skoðanakönnun sem Daily Mail birtir í dag. Niðurstöðurnar sýna að 51% telja brúðkaupið styrkja konungdæmið og 57% telja að Middleton verði góð drottning, sem er 12% aukning frá því í nóvember. Brúðurin verðandi virðist því vinna á í almenningsálitinu.

32% segjast hinsvegar óviss um að sem almúgastúlku verði henni tekið sem jafningja inn í fjölskylduna. 45% segjast efast um að foreldrum hennar verði vel tekið af kóngafólkinu.