Tölvupóstur sem bresk kona sendi á verðandi tengdadóttur sína hefur vakið mikla athygli í netheimum. Í tölvupóstinum gagnrýnir hún unnustu sonar síns harkalega og segir hana óheflaða og kunni ekki almenna mannasiði. 

Carolyn Bourne lætur Heidi Withers heldur betur heyra það í bréfinu og telur Withers eiga margt ólært áður en hún kemur í fjölskylduna.

Withers, sem er 29 ára, er trúlofuð stjúpsyni Bourne, Freddie sem er einnig 29 ára að aldri. Brá henni svo við bréfið að hún sendi það áfram á nokkra vini.

En vinirnir sendu bréfið áfram og er það birt í einhverjum breskum fjölmiðlum.

Bourne, sem starfar við blómarækt, gagnrýnir Withers fyrir hegðun hennar er hún kom í heimsókn til fjölskyldunnar í Devon í apríl sl. Kvartar hún meðal annars yfir því hvað hún fer seint á fætur. Eins er Bourne ósátt við hvað brúðkaupið er dýrt.

The Sun er meðal þeirra fjölmiðla sem birta bréfið í heild