Kvíðalyf drógu hana líklega til dauða

Faðir Amy Winehouse telur að dóttir sín hafi látist af stórum skammti af kvíðalyfjum er hún reyndi að hætta áfengisneyslu. Mitch Winehouse var í viðtali við CNN um dauða söngkonunnar í sumar.

Að hans sögn fundust leifar af kvíðastillandi lyfinu librium í blóði Amy en lyfið er einnig notað við áfengiseitrun. „Allt sem Amy gerði gerði hún í óhófi," sagði Winehouse í viðtalinu. „Hún drakk í óhófi og afeitraðist í óhófi."

Winehouse fannst látin á heimili sínu þann 23. júlí sl. Engin ólögleg efni fundust í blóði hennar við krufningu en hún hafði glímt við áfengis- og vímuefnavanda í mörg ár.

Back to Black, plata Amy Winehouse, sem kom út árið 2006, er orðin sú plata sem selst  hefur best í Bretlandi á þessari öld.

• 2 blogg um fréttina

Bloggað um fréttina

• Gísli Foster Hjartarson: Hvaða hana er verið að tala um?
• Jón Þórðarson: Sumir halda að hafi fækkað í landnámshænsnastofninum - en var …